Quen somos

O Canizo é unha explotación agraria situada en Morgadáns, no Concello de Gondomar. A nosa produción segue as directrices da Agricultura Ecolóxica, coidando a terra, incrementando a biodiversidade, respetando o medio ambiente e fomentando os produtos locais e ecolóxicos.

¿Qué facemos?

No Canizo cultivamos unha ampla variedade de produtos da horta e froitas de tempada, tentando buscar e recuperar variedades tradicionais e autóctonas, que se adapten mellor á nosa zona, e que aínda que poden non producir tanto como as variedades comerciais, sempre nos dan mellores calidades organolépticas e sabemos que son alimentos nutritivos e sans.

Vendemos a nosa produción a particulares e tendas da bisbarra, así como en feiras e mercados locais.

Tamén asesoramos e formamos para poñer en marcha hortas ecolóxicas (urbanas, escolares, comunitarias…).

Os nosos valores:

• Producir alimentos sans e nutritivos.
• Coidar o medio ambiente.
• Empregar no posible recursos renovables.
• Non usar produtos tóxicos e contaminantes.
• Crear e manter a fertilidade do solo.
• Protexer a saúde de agricultores e consumidores.
• Aforrar auga e non contaminar os acuíferos.
• Impulsar a creación de postos de traballo no rural.
• Contribuir a evitar o abandono do agro.
• Fomentar os produtos locais, ecolóxicos e de tempada.